اسئله ترفع الضغط
مثلا :-
انت الحين بغرفتك منسدح بفراشك ومطفي الليت فجأة يدخل عليك
اخوك او اختك ويفتح الباب ويقولك بتنام ؟!! (لا برقص - اكيد
بنام !!)
***
انت لابس وكاشخ وقاعد تمشي بالبيت متجه للباب .. فجأة يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحة سؤال خطير !!
***
انت قاعد بغرفتك وماسك الكتاب قاعد تدرس .. يدخل عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس) ]


انت الحين بالكافيه صدفة شفت واحد من الربع او الاهل .. قالك هاا شتسوي هني !!

(ابيع ماي) !! لا تعليق
***
لا وتعالو شوفو قنواتنا العجيبة اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :-شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
ونكمل
والأسخف من هالبديهيات اللي تضيع وقتنا إذا قابلو الاطفال , , ,يقول المذيع للطفل :- أنت تحب ماما وبابا ! ! !(( لا احبك إنت وويهك)) سؤال غبي الصراحة !! ***برنامج مسابقات على الهوا :-المتصل :- الوو السلام عليكمالمذيع :- وعليكم السلام هلا وغلاالمتصل:- ممكن اشارك !!(يعني انت داق علشان تشارك ليش تستأذن !! من زود الأتكيت يعني) ***يعني اسئله غبية مثل هالاسئلة ماشفتيالله في أمان الله .. والله يحفظكم من الأغبياء!! لحظة نسيت أسألك : قاعد تقرا ألحين؟؟!!ج: لا قاعد أخيط نعالي!! هههههه]ه

شكرا على الموضوع